Փարիզում կատարված ահաբեկչություններից հետո Ալաբաման հրաժարվել է ընդունել սիրիացի փախստականներին
16-11-2015 19:27:08 | ԱՄՆ | Քաղաքական
Փարիզում կատարված ահաբեկչությունից հետո ամերիկյան Ալաբամա նահանգի նահանգապետ Ռոբերտ Բենթլին հայտարարել է, որ նահանգը չի ընդունելու սիրիացի փախստականներին:
Ինչպես տեղեկացնում է lenta.ru-ն ՝ Ռոբերտ Բենթլիի կարծիքով, փախստականների շարքերում կարող են լինել վտանգավոր տարրեր:
Ըստ նրա՝ Ֆրանսիայում հանգստյան օրերին կատարվածից հետո ինքը որպես նահանգապետ դեմ է արտահայտվելու իշխանությունների կողմից Ալաբամայում փախստականներ տեղավորելու ցանկացած փորձին. «Ես ձեր նահանգապետն եմ և չեմ կարող թույլ տալ, որ ձեզ վնաս պատճառեն»,- ասել է նա:
Պաշտոնական Վաշինգտոնը մինչ այդ չէր հայտարարել Ալաբամայում սիրիացի փախստականներ տեղավորելու մտադրության մասին: