Ռ. Էրդողանը պատրաստ է հրաժարական տալ, եթե հաստատվեն ԻՊ-ից նավթ գնելու մասին տեղեկությունները
01-12-2015 12:23:40 | Թուրքիա | Քաղաքական
Թուրքիայի նախագահ Ռեջեփ Թայիբ Էրդողանը հայտարարել է, որ պատարաստ է հրաժարական տալ, եթե հաստատվեն «Իսլամական պետություն» ահաբեկչական խմբավորումից նավթ գնելու մասին հնչած մեղադրանքները:
Ինչպես տեղեկացնում է tass.ru-ն, Փարիզում Ռ. Էրդողանը, ի պատասխան Ռուսաստանի նախագահի կողմից իր հասցեին հնչած մեղադրանքների, նշել է. «Ես խոսում եմ միանգամայն անկեղծ, եթե այդ մեղադրանքները հաստատվեն, ես չեմ մնա իմ պաշտոնում: Միաժամանակ հարցնում եմ հարգարժան Վլադիմիր Պուտինին, իսկ ինքը կհեռանա պաշտոնից, եթե այդ տեղեկությունները չապացուցվեն»:
Նա նաև հավելել է, որ նավթ գնում է բացառապես օրինական ճանապարհով:
Հիշեցնենք, որ ՌԴ նախագահ Վլադիմիր Պուտինը հայտարարել էր, որ Թուրքիայի տարածք ահաբեկիչների կողմից նավթի մատակարարման մասին տեղեկություններ կան: