Իրաքից Լիտվա է ժամանել առաջին փախստական ընտանիքը

15-12-2015 20:03:11 | Լիտվա | Հասարակություն

Եվրամիության սահմնած քվոտաների համաձայն` Իրաքից Լիտվա է ժամանել առաջին փախստական ընտանիքը, որը բաղկացած է չորս անդամներից:

Tass.ru-ի փոխանցմամբ` փախստականները ինքնաթիռով Լիտվա են ժամանել Հունաստանից, որտեղ նրանք հասել էին ընթացիկ տարվա ընթացքում: Լիտվայում նրանց առաջարկվել է ապաստան և համաձայնություն տեղափոխվել Բալթյան պետություններում: Այնուհետև լիտվացի պաշտոնյանները ստուգել են փախստականներին` ելնելով ընդունող կողմի անվտանգությունից:

Լիտվայի Ներքին գործերի նախարարության տեղեկություններով` փախստականների ընտանիքը բաղկացած է երկու երեխաներից. նրանցից ավագը 5 տարեկան է, իսկ ծնողները` 40: Ընտանիքի հայրն ունի բարձրագույն կրթություն և մենեջերի աշխատանքային փորձ, իսկ նրա կինը հայրենիքում չի աշխատել:

Լիտվայում ապաստան գտած փախստականները պետք է երեք ամիս բնակվեն փախստականների համար նախատեսված կենտրոնում, որից հետո նրանց համար բնակության վայր կընտրվի այդ երկրի շրջաններից մեկում:

ԵՄ քվոտաների համաձայն` Սիրիայից, Իրաքից և Էրիթրեայից Լիտվա երկու տարվա ընթացքում կարող է գաղթել 1105 մարդ, սակայն բնակչության շրջանում անցկացված հարցումները ցույց են տվել, որ բնակչության 70 տոկոսը դեմ է ներգաղթյալների հոսքին իրենց երկիր:

Նոյյան տապան - Հասարակություն

Կարդացել են 830 անգամ

https://s1.merlive.am/Noian_Tapan/embed.html?autoplay=false&play

Իրաքից Լիտվա է ժամանել առաջին փախստական ընտանիքը

Noyan Tapan TV