Եգիպտոսը կոչ է անում Թուրքիային Իրաքից դուրս բերել զորքերը
24-12-2015 19:54:38 | Եգիպտոս | Քաղաքական
Կահիրեն դատապարտում է թուրքական զորքերի տեղակայումը Իրաքում և կոչ անում Թուրքիային դուրս բերել դրանք:
ria.ru-ի փոխանցմամբ, հինգշաբթի օրն Արաբական պետությունների լիգայի արտակարգ նիստի բացման ժամանակ այս մասին հայտարարել է Եգիպտոսի Արտաքին գործերի նախարար Սամեհ Շուկրին:
Արաբական լիգայի անդամ երկրների արտգործնախարարները հավաքվելով կազմակերպության գլխամասային գրասենյակում արտակարգ նիստ են ունեցել ՝ քննարկելով Իրաքում թուրքական զորքերի ներկայության հարցը:
Ըստ Իրաքյան իշխանությունների, դեկտեմբերի 4-ին թուրք զինվորականները և ռազմատեխնիկան մտել են Իրաքի Նայնավա նահանգ՝ տեղացի տղամարդկանց ահաբեկիչների դեմ պայքարի համար պատրաստելու պատրվակով:
Իրաքի Արտաքին գործերի և Պաշտպանության նախարարությունները թուրքական զինյալների ներկայությունը Իրաքում որակել են որպես «թշնամական գորշողություն» և հայտարարել երկրի ինքնիշխանության խախտման մասին:
Ըստ ԶԼՄ-ների, խոսքը գնում է 150 թուրք զինվորականի մասին: