iPhone 7S-ը կօժտվի անլար լիցքավորման նոր համակարգով
29-01-2016 17:42:16 | ԱՄՆ | Գիտություն եւ տեխնոլոգիաներ
Apple-ը անլար լիցքավորման նոր տեխնոլոգիա է մշակում, որը ոչ մի կապ չունի Qi լիցքավորման ստանդարտի հետ: Apple-ը մտադիր է հաղթահարել տեխնիկական խոչընդոտները և սարքավորումները լիցքավորել ոչ թե 4 սմ, այլ 1 մետր հեռավորության վրա:
Նշենք, որ մեծացնելով լիցքավորող և լիցքավորվող սարքերի հեռավորությունը ավելանում է նաև էներգիայի կորուստը, որն իր հերթին մեծացնում է լիցքավորման տևողությունն ու հաճախականությունը:
Bloomberg-ի վերլուծաբանները վստահեցնում են, որ նոր լիցքավորման համակարգով կօժտվի 2017 թվականին թողարկվող iPhone 7S-ը: