Թաիլանդում զինծառայողներն ուժեղացնելու են վերահսկողությունը թագավորության հիմնական զբոսաշրջային նահանգներում: Համապատասխան հրամանը տվել է Թաիլանդի ցամաքային զորքերի գլխավոր հրամանատար Տիրաչայ Նակվանիչը: korrespondent.net-ի փոխանցմամբ` գեներալ Նակվանիչը զինվորականներին հանձնարարել է սերտորեն համագործակցել ոստիկանության և տեղի իշխանությունների հետ, որպեսզի ապահովեն զբոսաշրջիկների անվտանգությունը և ուժեղացնել հսկողությունն առավել հայտնի զբոսաշրջային վայրերում:
Զինվորականների նման արձագանքը եղել է վերջերս ֆրանսիացի զբոսաշրջիկի հետ Թաիլանդի հարավում Տարտ նահանգում կատարված միջադեպը: Այնտեղ փետրվարի 27-ին հինգ կամբոջացի ձկնորսներ հարձակվել էին չորս հանգստացողների վրա, որոնց թվում եղել էին երկու կին և երկու տղամարդ:
Տղամարդիկ ստացել էին դանակի վիրավորումներ, իսկ կանանց բռնաբարել էին: Կատարվածը Թաիլանդում լայն հասարակական հնչեղություն էր ստացել: Տեղի ոստիկանությանը հաջողվել էր ձերբակալել բոլոր հանցագործներին:
ՀԱՅԵՐԵՆ
Русский
English
Դաս. հայերեն
French
