Սիրիական կառավարական ուժերը մտել են Պալմիրա, որը «Իսլամական պետություն» ահաբեկչական խմբավորման կողմից բռնագրավվել էր 2015 թվականի մայիսին: korrespondent.net-ի փոխանցմամբ` Պալմիրան ազատագրելու գործողությունները մեկնարկել էին նախորդ շաբաթ: Մարտի 23-ին հայտնի է դարձել, որ սիրիական կառավարական ուժերը բարձր դիրքեր են զբաղեցրել Պալմիրայի ծայրամասերում: Զինվորականները խոստացել են քաղաք մտնել մի քանի ժամվա ընթացքում:
Բացի այդ, այսօր Իրաքում սկսվել են Մոսուլն ահաբեկիչներից ազատագրելուն ուղղված գործողությունները: Իրաքի Պաշտպանության նախարարությունը հայտարարել է, որ Մոսուլի որոշ արվարձաններում տեղակայված գյուղերի մի մասն անցել է բանակի վերահսկողության ներքո:
Նշենք, որ փետրվարի վերջին Բաշար Ասադի բանակը վերահսկողության տակ է առել Հանասեր քաղաքը, որը գտնվում է Հալեպ քաղաք մտնող առանցքային ճանապարհի վրա:
ՀԱՅԵՐԵՆ
Русский
English
Դաս. հայերեն
French
