ԻՊ հետ կապ ունենալու կասկածանքով Մալայզիայում ձերբակալվել է 15 մարդ
25-03-2016 12:13:24 | | Հասարակություն
Մալայզիայում «Իսլամական պետություն» ահաբեկչական խմբավորման հետ կապ ունենալու կասկածանքով ձերբակալվել է 15 մարդ, որոնց թվում եղել են ոստիկանության աշխատակիցներ և ինքնաթիռների սպասարկմամբ զբավող մեկ տեխնիկ:
korrespondent.net-ի փոխանցմամբ` թագավորության վեց նահանգներում իրականացված խոշորամասշտաբ գործողոթյունների մանրամասների մասին պատմել է երկրի իրավապահ մարմինների ղեկավար Հալիդ Աբու Բաքարը:
Նրա տեղեկացմամբ` ձերբակալվածների թվում 11տղամարդ և 4 կին. Վերջիններս Մալայզիայում ահաբեկչություններ նախապատրաստելու հրահանգները ստացել են Մուհամեդ Վանդիից:
Օպերատիվ տվյալներով` Վանդին ներկայումս գտնվում է Սիրիայում և բարձր պաշտոն է զբաղեցնում ԻՊ կառուցվածքում:
Հալիդ Աբու Բաքարը նաև պատմել է, որ ստուգումների ընթացքում հայտնաբերվել են պայթուցիկներ պատրաստելու համար նախատեսված քիմիական նյութեր, ինչպես նաև ֆինանասական ակտիվներ ահաբեկչական գործունեություն ծավալելու համար: