F-16 ամերիկյան կործանիչի ոչնչացման պատասխանատվությունը ստանձնել են թալիբները
30-03-2016 17:01:04 | Աֆղանստան | Միջազգային
«Թալիբան» ահաբեկչական խմբավորումն իր վրա է վերցրել Աֆղանստանում F-16 ամերիկյան կործանիչի ոչնչացման պատասխանատվությունը:
korrespondent.net-ի փոխանցմամբ` զինյալները հայտարարել են, որ ամերիկյան ինքնաթիռը գնդակոծել են Բահրամում` այդպիսով սպանելով օդաչուին:
Նշենք, որ ԱՄՆ-ի ռազմաօդային ուժերի մամլո ծառայությունը թաքցրել է Բահրամում կործանված ինքնաթիռի լուրը և հաղորդել էր, թե «բացված կրակը չի եղել ինքնաթիռի կործանման պատճառ», և պատկան մարմինները կհետաքննեն ավիավթարի պատճառները:
Մարտի 29-ին Պենտագոնից հաղորդել էին, Աֆղանստանի Բահրամ ավիաբազայում թռիչքի ընթացքում կործանվել է F-16 ամերիկյան կործանիչը, իսկ օդաչուն դուրս էր նետվել և նրան գտել են կոալիցիոն ուժերը: