Իսլամական համագործակցության կազմակերպությունը զբաղվելու է ԼՂՀ հակամարտությամբ
15-04-2016 18:45:58 | Թուրքիա | Քաղաքական
Իսլամական համագործակցության կազմակերպությունն (ԻՀԿ) արտգորնախարարների մակարդակով ղարաբաղյան հակամարտության կարգավորման կոնտակտային խումբ ստեղծելու մասին որոշում է ընդունել: tass.ru-ի փոխանցմամբ` այդ մասին նշվում է Ստամբուլում ԻՀԿ գագաթնաժողովի ավարտին հրապարակված ամփոփիչ զեկույցում:
Վերոնշյալ փաստաթղթում առկա տեղեկատվության համաձայն` ԻՀԿ-ն կոչ է անում ՄԱԿ-ի բանաձևերի ճշգրիտ և հրատապ իրականացման, ամբողջական և անվերապահ կերպով Հայաստանի զորքերի դուրս բերում Լեռնային Ղարաբաղի տարածքից:
ԻՀԿ-ն հաստատել է իր աջակցությունն Ադրբեջանին և նրա ջանքերին տարածքային ամբողջականության և ինքնիշխանության շրջանակներում ՄԱԿ-ի Գլխավոր ասամբլեայի ընդունած որոշումների վերականգնման ուղղությամբ:
Արտգորնախարարների մակարդակով ղարաբաղյան հակամարտության կարգավորման կոնտակտային խումբ ստեղծելու նախաձեռնությամբ գագաթնաժողովի մեկնարկից առաջ հանդես է եկել Թուրքիայի արտգործնախարար Մևլութ Չավուշօղլու: