Թուրքիայի հարավում գտնվող Քիլիս քաղաքի հրթիռակոծման հետևանքով երկու մարդ է զոհվել, ևս չորսը վիրավորվել: korrespondent.net-ի փոխանցմամբ` տեղի իշխանությունները տեղեկացրել են, որ քաղաքում չորս արկ է պայթել, որոնք արձակվել են Սիրիայի հետ սահմանից, որտեղ տեղակայված են «Իսլամական պետություն» ահաբեկչական խմբավորման դիրքերը:
Նշվում է, որ զոհվածները Թուրքիայի քաղաքացիներ են, իսկ վիրավորների շարքում մեկ սիրիացի կա: Միջադեպը տեղի է ունեցել Գերմանիայի կանցլեր Անգելա Մերկելի, Եվրահախորհրդի նախագահ Դոնալդ Տուսկի, Եվրահնաձնաժողովի փոխնախագահ Ֆրանս Թիմերմանսի և Թուրքիայի վարչապետ Ահմեդ Դավութօղլուի` Գազինաթեպ քաղաքում տեղակայված սիրացի փախստականների ճամաբար կատարած պաշտոնական այցից մեկ օր առաջ:
Նրանց պաշտոնական այցն ի սկզբանե նախատեսված է եղել մեկ շաբաթ առաջ և ներառել է այցելություն հրթիռակոծված Քիլիս քաղաք, որն ընդունել էր մինչև 130 հազար սիրիացի փախստական: Վերջին շաբաթվա ընթացքում այն մի քանի անգամ Սիրիայի տարածքից ենթարկվել էր հրետակոծման:
ՀԱՅԵՐԵՆ
Русский
English
Դաս. հայերեն
French
