Սահմանում կանգնած հայ զինվորին իր զորակցությունն է հայտնում Էստոնական ազգային արական երգչախումբը
26-04-2016 14:20:40 | Հայաստան | Հասարակություն
Էստոնական ազգային արական երգչախումբն իր զորակցությունն է հայտնում Հայաստանի և Արցախի սահմանում կանգնած հայ զինվորներին: «Երևանյան հեռանկարներ» միջազգային երաժշտական փառատոնի շրջանակներում Հայաստանում գտնվող երգչախումբը (գեղարվեստական ղեկավար եւ դիրիժոր՝ Միկ Ուլեոյա) երևանյան համերգից առաջ, ապրիլի 24-ին՝ Ծիծեռնակաբերդի հուշահամալիրում հայերենով Աղոթք էր հղել առ Աստված`հայ ազգի եւ Առաքելական Եկեղեցու անսասանության համար: Երգչախումբն իր ներկայությամբ խորհրդանշեց ողջ քաղաքակիրթ մարդկության զորակցությունը և համերաշխությունը հայ ժողովրդին:
Ալ. Սպենդիարյանի անվան օպերայի և բալետի ազգային ակադեմիական թատրոնում ապրիլի 25-ին տեղի ունեցավ Էստոնական ազգային արական երգչախմբի բացառիկ համերգը, որի ընթացքում հնչեցին Կոմիտասի, Մարտ Սաարի, Ալեքսանդր Լաատեի, Կոնստանտին Տուուրնպուի, Գեյվին Բրայարսի, Հենրիկ Օդեգաարդի, Ջովաննի Բոնատոի, Գալինա Գրիգորևայի ստեղծագործություններից:
Համերգի մեկնարկից առաջ ներկանները մեկ րոպե լռությամբ հարգեցին Արցախում ապրիլի 2-5-ը հայերնիքի սահմանները պաշտպանելիս զոհված հայ հերոսների հիշատակը:
«Գրեմմի»-ի և բազմաթիվ այլ միջազգային հեղինակավոր մրցանակների արժանացած Էստոնական ազգային արական երգչախումբը դեռ 2015 թվականին Հայոց Ցեղասպանության 100-րդ տարելիցի կապակցությամբ մասնակցել էր Էստոնիայի Սբ. Հովհաննես եկեղեցում կայացած «Քեզ հետ, Հայաստան» խորագրով համերգին:
Հայաստանյան համերգի շրջանակներում երգչախումբի գեղարվեստական ղեկավար եւ դիրիժոր` Միկ Ուլեոյան պարգևատրվել է ՀՀ Մշակույթի նախարարության «Ոսկե մեդալով»` Հայոց ցեղասպանության 100-րդ տարելիցը միջազգային հարթակում լավագույնս ներ¬կա¬յացնելու, ինչպես նաեւ հայանպաստ գործունեություն ծավալելու կապակցությամբ:
ՀԱՅԵՐԵՆ
Русский
English
Դաս. հայերեն
French
