5,9 մագնիտուդ հզորությամբ երկրաշարժ է տեղի ունեցել Ինդոնեզիայի ափերին: korrespondent.net-ի փոխանցմամբ` այդ մասին տեղեկացնում է ԱՄՆ-ի երկրաբանական ծառայությունը:
Ստորգետնյա ցնցումներն արձանագրվել են տեղական ժամանակով 11:21-ին, իսկ երկրաշարժի էպիկենտրոնը գտնվել է Սումատրա կղզու հարավային ծայրամասում Կոտաբում քաղաքից 55 կիլոմետր հեռավորության վրա: Երկրաշարժի օջախը գտնվել է 132,7 կիլոմետրի վրա:
Հնարավոր զոհերի կամ ավերվածությունների մասին տեղեկատվություն առայժմ չի ստացվել:
Հիշեցնենք, որ ապրիլի 16-ին Էկվադորում տեղի է ունեցել 1979 թվականից հետո արձանագրված ամենաուժեղ երկրաշարժը, իսկ երկրին հասցված նյութական վնասը գնահատվել է մի քանի միլիարդ դոլար: