Գերմանիան ԵՄ միասնական բանակի ստեղծման ծրագիր է մշակել
03-05-2016 17:17:37 | Գերմանիա | Հասարակություն
Գերմանիան ձգտելու է առաջընթացի եվրոպական ընդհանուր բանակ ստեղծելու ուղղությամբ:
korrespondent.net-ի փոխանցմամբ` այդ մասին գրում է The Financial Times-ը` հղում անելով այն ծրագրին, որը Գերմանիան նախատեսում է ներկայացնել հուլիսին:
Ինչպես նշում է պարբերականը, չնայած նրան, որ Բեռլինը վաղուց կողմնակից է «եվրոպական պաշտպանության միությանն», այս ծրագիրը հանդիսանում է վերջին տարիներին այդ ուղղությամբ կատարվող շոշափելի քայլ:
Փաստաթուղթը ներառելու է բանակի գործողությունները կորդինացնող միասնական եվրոպական գլխավոր շտաբի ստեղծում, ԵՄ անդամ պետությունների պաշտպանության նախարարների խորհուրդ, ինչպես նաև ռազմական տեխնիկայի միասնական արտադրություն և կիրառում: Բեռլինը առաջարկելու է նաև ամրապնդել համագործակցությունը կիրբերհանցագործության ոլորտում:
Ավելի վաղ, 2015 թվականի նոյեմբերին Եվրահանձնաժողովի ղեկավար Ժան Կլոդ Յունկերը Բրյուսելում հայտարարել էր, որ ԵՄ-ին անհրաժեշտ է ստեղծել սեփական բանակը, իսկ Գերմանիայի կանցլեր Անգելա Մերկելը հավանության էր արժանացրել այդ գաղափարը: Միասնական եվրոպական բանակի ստեղծման գաղափարը հավանության էր արժանացել նաև Գերմանիայի պաշտպանության նախարարը և արտգործնախարարը, փոխարենը այդ գաղափարը քննադատաբար էր ընդունվել Մոսկվայում:
ՀԱՅԵՐԵՆ
Русский
English
Դաս. հայերեն
French
