Իրանն հաջողությամբ ավարտել է բալիստիկ հրթիռի փորձարկումը
09-05-2016 16:43:58 | Իրան | Միջազգային
Իրանն հաջողությամբ է ավարտել միջին հեռահարությամբ բալիստիկ հրթիռի փորձարկումը: korrespondent.net-ի փոխանցմամբ` այդ մասին հայտնում է իրանական Tasnim գործակալությունը:
Իրանի զինված ուժերի ղեկավար Ալի Աբդուլահին հայտարարել է, որ երկու շաբաթ առաջ իրենք իրականացրել են երկու կիլոմետր հեռահարությամբ և անկման վայրի մինչև 8 մետր ճշգրտությամբ հրթիռի փորձնական գործարկումը:
Նրա խոսքերով` Թեհրանը ռազմական ծախսերի համար նախատեսված միջոցների 10 տոկոսն ուղղել է գիտահետազոտական ծրագրերին` նպատակ ունենալով ամրապնդել երկրի պաշտպանական ներուժը:
Ավելի վաղ, Իրանը զորավարժությունների շրջանակներում իրականացրել էր փոքր, միջին և մեծ հեռահարությամբ բալիստիկ հրթիռների մի ամբողջ շարքի գործարկում:
Այդ ժամանակ ԱՄՆ-ն, Ֆրանսիան, Մեծ Բրիտանիան և Գերմանիան ՄԱԿ-ին կոչ էին արել անցկացնել Անվտանգության խորհրդի նիստ, որպեսզի քննարկեին Իրանի նոր հրթիռային փորձարկումները:
«Թեհրանի կողմից հրթիռների փորձարկումը կրում է «սադրիչ և ապակայունացնող» բնույթ, ինչպես նաև խախտվում է ՄԱԿ-ի №2231 բանաձևը, ինչն ամրագրված է Իրանի հետ միջուկային գործարքով»,- ասվել է վերոնշյալ չորս երկրների տարածած նամակում:
Արևմտյան երկրները մտավախություն ունեն, թե իրանական հրթիռները հագեցած են միջուկային մարտագլխիկներով, ուստի այդպիսով խախտվում է իրանական միջուկային ծրագրի շուրջ ձեռք բերված համաձայնագիրը:
Իր հերթին Թեհրանը չի ընդունում այդ մեղադրանքները, իսկ նրան այդ հարցում աջակցում են Ռուսաստանը և Չինաստանը: