Առաջին անգամ Հարավային Կորեան, ԱՄՆ-ն և Ճապոնիան համատեղ կանցկացնեն հակահրթիռային զորավարժություններ
16-05-2016 12:15:44 | ԱՄՆ | Միջազգային
Առաջին անգամ հունիսին Հարավային Կորեան, ԱՄՆ-ն և Ճապոնիան համատեղ զորավարժություններ կանցկացնեն ուղղված Հյուսիսային Կորեայի կողմից հրթիռային սպառնալիքի դեմ: Interfax.ru-ի փոխանցմամբ` այդ մասին երկուշաբթի հաղորդել են հարավկորեական ԶԼՄ-ները` վկայակոչելով հարավկորեական պաշտպանության նախարարության անանուն աղբյուրին:
«Հարավային Կորեան, ԱՄՆ-ն և Ճապոնիան, Հյուսիսային Կորեայի կողմից միջուկային և հրթիռային սպառնալիքի դեմ պայքարելու նպատակով համատեղ զորավարժություններ անցկացնելու մասին համաձայնություն ձեռք բերելուց հետո, աշխատում են զորավարժությունների անցկացման մարնրամասնությունների վրա»,- լրագրողներին հայտնել է նախարարության ներկայացուցիչը:
Նրա փոխանցմամբ` զորավարժությունների ընթացքում կողմերը կզարգացնեն Հյուսիսային Կորեայի կողմից հավանական հրթիռային հարձակումները հայտնաբերելուն և վերահսկելուն ուղղված հմտությունները: