Ոռոգման գործընթացը հողօգտագործողների համար լինելու է բարենպաստ. Ջրային տնտեսության պետական կոմիտե
18-05-2016 16:44:15 | Հայաստան | Տնտեսություն
Հայաստանի Հանրապետությունում 2016թ. ոռոգման շրջանի նախապատրաստական աշխատանքների շրջանակներում ոռոգման ջրի և ջրամատակարարման համակարգի առավել արդյունավետ օգտագործման նպատակով անց է կացվել աշխատանքային, տնտեսական, ֆինանսական և այլ ռեսուրսների գնահատում:
ՀՀ ֆինանսների նախարարության աշխատակազմի ֆինանսաբյուջետային վերահսկողության տեսչության կողմից ուսումնասիրություններ են իրականացվել ոռոգման ջրի առավել մեծ ջրապահանջ ունեցող հողատարածքները սպասարկող ջրօգտագործողների ընկերություններում, մասնավորապես <<Արտաշատ>>, <<Արարատ>> և <<Խոյ>> ՋՕԸ-երում:
Ներկա դրությամբ <<Արարատ>> ՋՕԸ-ի վարչական խորհրդի որոշմամբ ընտրվել է նոր տնօրեն, իսկ <<Խոյ>> և <<Արտաշատ>> ՋՕԸ-ի վարչական խորհուրդներում ուսումնասիրությունների արդյունքները քննարկման փուլում են:
Ընդհանուր առմամբ ոռոգման ջրապահանջի և առկա ոռոգման ջրի ծավալների համադրությունը, բարենպաստ եղանակային պայմանների դեպքում թույլ են տալիս եզրակացնելու, որ 2016թ. ոռոգման գործընթացը հանրապետության ամբողջ տարածքի հողօգտագործողների համար լինելու է բարենպաստ:
Ջրային տնտեսության պետական կոմիտեի լրատվական ծառայություն
ՀԱՅԵՐԵՆ
Русский
English
Դաս. հայերեն
French
