Մերկելը մերժել է Օբամային Դոմբասի բանակցություններին մասնակցելու հարցում
21-05-2016 18:48:04 | Գերմանիա | Միջազգային
Գերմանիայի կանցլեր Անգելա Մերկելը մերժել է ԱՄՆ-ի նախագահ Բարաք Օբամային ԱՄՆ-ի հաշվին «նորմանդյան ձևաչափն» ընդարձակելու հետ կապված: korrespondent.net-ի փոխանցմամբ` այդ մասին հաղոդում է Зеркало недели պարբերականը` հղում անելով իր աղբյուրներին:
Վերջիններիս փոխանցմամբ` ապրիլի վերջին Բարաք Օբաման, Հաննովերում կայացած միջազգային արդյունաբերական ցուցահանդեսի ընթացքում շփվելով Անգելա Մերկելի հետ, վերջինիս առաջարկել էր ընդլայնել «նորմանդյան ձևաչափը» Վաշինգտոնի հաշվին և ստացել է հարգալից մերժում:
Հրապարակման մեջ նաև նշվում է, որ «նորմանդյան քառյակի» արտգործնախարարների և Մինսկի խմբի միջև կայացած վերջին բանակցությունների ընթացքում Ռուսաստանը դարձյալ փորձել է պարտադրել Դոմբասի ընտրությունների իր ծրագիրը:
Հիշեցնենք, որ 2014 թվականից Դոմբասում իրավիճակի կարգավորման շուրջ եղած բանակցությունները շարունակվել են «նորմանդյան քառյակի» երկրներում` Գերմանիա, Ֆրանսիա, Ուկրաինա և Ռուսաստան:
ՀԱՅԵՐԵՆ
Русский
English
Դաս. հայերեն
French
