Էրդողանին բռնցքամարտիկ Մուհամեդ Ալիի թաղման ժամանակ թույլ չեն տվել Ղուրանից հատված ընթերցել
10-06-2016 17:56:14 | ԱՄՆ | Հասարակություն
Թուրքիայի նախագահ Ռեջեփ Թաիբ Էրդողանը կրճատել է իր ԱՄՆ երկօրյա կատարելիք այցը մեկ օրով: gazeta.ru-ի փոխանցմամբ` Էրդողանը երկրորդ օրը չի մասնակցելու բռնցքամարտիկ Մուհամեդ Ալիին հրաժեշտ տալու միջոցառումներին:
Աղբյուրի տեղեկացմամբ` Թուրքիայի նախագահը ստիպված է լինելու լքել Ամերիկայի Միացյալ Նահանգները և վերադառնալ Ստամբուլ հունիսի 10-ին:
Իսկ թե ինչ պատճառով է Էրդողանը որոշել վերադառնալ Ստամբուլ, առայժմ չի հստակեցվում:
Սակայն CNN Turk հեռուստաալիքը նշում է, որ նման որոշման պատճառ կարող էր դառնալ այն, որ Թուրքիայի նախագահին թույլ չեն տվել Ալիի թաղման արարողության ժամանակ ընթերցել Ղուրանից հատված, ինչպես ընդունված է թուրքական կրոնական ավանդույթներով:
Ավելի վաղ տեղեկացվել էր, որ Ալիին հրաժեշտ տալուն շուրջ 14 հազար մարդ է մասնակցել:
Նշենք, որ Մուհամեդ Ալին մահացել էր հունիսի 4-ին 75 տարեկանում: