Ռուսաստանի, Հայաստանի եւ Ադրբեջանի նախագահների եռակողմ հանդիպումը Պետերբուրգում Կրեմլը չի բացառում
10-06-2016 18:49:46 | Ռուսաստան | Քաղաքական
Ռուսաստանի նախագահի մամուլի քարտուղար Դմիտրի Պեսկովը հունիսի 10-ին լրագրողներին հայտարարել Է, որ Կրեմլում չեն բացառում Ռուսաստանի, Հայաստանի եւ Ադրբեջանի ղեկավարների եռակողմ հանդիպումը Պետերբուրգում, այդ ուղղությամբ աշխատանք է տարվում:
ԱՐՑԱԽՊՐԵՍ: «Այդ ուղղությամբ աշխատանք է տարվում: Մենք չենք բացառում, որ նման հանդիպում կկայանա: Այն դեպքում, երբ դա վերջնականապես հաստատվի, մենք տեղեկատվություն կտրամադրենք»,-ասել է Պեսկովը՝ պատասխանելով այն հարցին, թե Սանկտ Պետերբուրգում կկայանա արդյոք Ռուսաստանի, Հայաստանի եւ Ադրբեջանի նախագահների եռակողմ հանդիպումը եւ, եթե այո, նշանակում է արդյոք, որ կողմերն ընդհանուր հայտարարի են եկել:
ՀԱՅԵՐԵՆ
Русский
English
Դաս. հայերեն
French
