Ավստրիայում կրկնակի նախագահական ընտրություններ կանցկացվեն
01-07-2016 16:42:53 | Ավստրիա | Միջազգային
Ավստրիայում կրկին տեղի կունենան նախագահական ընտրություններ: Այդ որոշումն ընդունվել է այսօր` հուլիսի 1-ին, երկրի Սահմանադրական դատարանի կողմից կապված քվեարկության ընթացքում ընթացակարգային խախտումների հետ կապված: korrespondent.net-ի փոխանցմամբ` ակնկալվում է, որ կրկնակի ընտրությունները կանցկացվեն ընթացիկ սեպտեմբերին կամ հոկտեմբերին:
Նշվում է, որ դատարան է դիմել աջ պոպուլիստական Ավստրիական Ազատություն կուսակցությունը (ԱԱԿ), ում թեկնածուն պարտվել էր մայիսի 22-ին կայացած ընտրությունների երկրորդ փուլում` հետ մնալով շուրջ 1 տոկոսով:
«Այս որոշումը ոչ ոքի չի դարձնում հաղթող կամ պարտվող»,- հայտարարել է Սահմանադրական դատարանի ղեկավար Գերհարտ Հոլցինգերը:
Վերջինս ընդգծել է, որ վերոնշյալ որոշումն ընդունվել է ամրապնդելու վստահությունը ժողովրդավարական ընթացակարգերի և օրենքի գերակայության հաստատությունների հանդեպ:
Նախագահական ընտրությունների երկրորդ փուլում հաղթել էր «կանաչների» կուսակցության նախկին առաջնորդ Ալեքսանդր Վան դեր Բելենը, ով ստացել էր ձայների 50,35 տոկոսը: Նրա մրցակից` ԱԱԿ-ից Նորբերտ Հոֆերը ստացել էր ձայների 49,64 տոկոսը:
ՀԱՅԵՐԵՆ
Русский
English
Դաս. հայերեն
French
