Ճապոնիայում շոգի պատճառով մեկ շաբաթվա ընթացքում վեց մարդ է մահացել
05-07-2016 12:06:47 | Ճապոնիա | Հասարակություն
Ճապոնիայում ամենաքիչը 2847 մարդ է հոսպիտալացվել վերջին շաբաթվա ընթացքում կապված արևի ճառագայթների հետևանքով, ևս վեցը` մահացել են: korrespondent.net-ի փոխանցմամբ` այդ մասին հաղորդում է երկրի գլխավոր հրշեջ ծառայությունը, որն իրականցնում է նաև շտապ օգնության գործառույթներ:
Գերատեսչության տվյալներով` բարձր ջերմության հետևանքով տուժածների թիվը երեք անգամով ավելացել է հունիսի կեսերի համեմատությամբ: Ճապոնիայի հիվանդանոցներում ապրիլի վերջից արևի ճառագայթների պատճառով հոսպիտալացվել է շուրջ հազար մարդ:
Անցյալ հանգստյան օրերի ընթացքում Ճապոնիայի ողջ տարածքում արձանագրվել է տաք եղանակ: Երկրի կենտրոնական շրջանների շարքերում ջերմաչափի սանդղակը ցերեկային ժամերին բարձրացել է 38 աստիճանից բարձր:
Տեղի բժիշկ մասնագետները կոչ են անում մարդկանց արևի տակ երկար չմնալ, կրել գլխարկներ և հնարավորության սահմաններում շատ հեղուկ օգտագործել:
Ճապոնիայի օդերևութաբանական ծառայությունները կանխատեսում են այս տարի անոմալ շոգ ամառ պայմանավորված Խաղաղ օվկիանոսից ներթափանցող կլիմայական երևույթների ազդեցությամբ: Սպասվում է, որ առավելագույն բարձր ջերմաստիճան արձանագրվելու է հուլիսի վերջին և օգոստոսի սկզբին:
Նախորդ տարի Ճապոնիայում շոգի պատճառով զոհվել էր 100 մարդ, ևս 53-ը` հոսպիտալացվել էին: