Սեուլն ակտիվացնում է քարոզչական ալիքները Հյուսիսային Կորեայի սահմանին
06-07-2016 13:59:55 | Կորեայի Հանր. | Միջազգային
Հարավկորեացի զինվորականները ծրագրում են ընդլայնել իրենց քարոզչական ալիքները Հյուսիսային Կորեայի դեմ` այդպիսով ավելացնելով բարձրախոսների թիվն ապառազմականացված գոտու ողջ երկայնքով: Interfax.ru-ի փոխանցմամբ` այդ մասին հայտնել են սեուլյան ԶԼՄ-ները:
«Մենք շատ ջանքեր կգործադրենք, որպեսզի կոտրենք սահմանին հյուսիսային բանակի մարտական ոգին և տեղեկատվություն կտրամադրենք այնտեղ ժամանած քաղաքացիներին»,- ասել է հարավկորեացի ռազմական պաշտոնյան:
Ներկա պահին Սեուլն օգտագործում է 17 բարձրախոսներ, որոնցով հյուսիսկորեական սահմանին է փոխանցում քարոզչական հաղորդագրություններ, նորություններ և կորեական փոփ երաժշտություն:
ԶԼՄ-ները նշում են, որ Սեուլում Պաշտպանության նախարարությունը հրաժարվել էմեկնաբանել տվյալ տեղեկատվությունը: