Forbes-ը Քիմ Քարդաշյանին հայտարարել է բջջային մեծահարուստ
12-07-2016 12:37:11 | ԱՄՆ | Հասարակություն
Ամերիկյան ռեալիթի շոուի աստղ Քիմ Քարդաշյանը վիդեո խաղով վաստակել է 45 մլն դոլար, ինչի շնորհիվ Forbes ամսագիրը նրան հայտարարել է «բջջային մեծահարուստ»:
korrespondent.net-ի փոխանցմամբ` ի լրումն բջջային խաղերի, նա նաև համարվում է հավելվածի և կայքի սեփականատեր:
Ինչպես խոստովանել է Ք. Քարդաշյանը, վիդեո խաղերն իր համար «կյանքի նոր փուլ են» և ձեռք բերածով նա չի պատրաստվում սահմանափակվել:
«Ինձ վիդեո խաղերը դուր են եկել դեռ փոքր տարիքից: Ինձ հետաքրքիր է իմանալ, թե արդյոք մարդիկ կցանկանան ընդօրինակել իմ կյանքը»,- ասել է նա շոուի ժամանակ:
Հայազգի աստղը նաև նշել է, որ սկսելով իր խաղային բիզնեսը, նա բազմիցս հանդիպել է մարդկանց անհասկանալի արձագանքներին:
«Երբ մարդիկ նայում են ինձ, նրանք մտածում են. «Ինչու է նա մուտք գործում տեխնոլոգիաների աշխարհ, դա նրա տարածքը չէ. Վերադարձիր ռեալիթի շոու»,- ընդգծել է Ք. Քարդաշյանը` հավելելով, որ այնուամենայնիվ, մտադիր է ավելի զարգացնել իր գործը, որը համարում է շատ հետաքրքիր:
ՀԱՅԵՐԵՆ
Русский
English
Դաս. հայերեն
French
