18-07-2016 16:10:37 | Հայաստան | Ի՞նչ է գրում մամուլը
Վերջին մեկուկես ժամվա ընթացքում Խորենացու փողոցից 9 քաղաքացիների բերման ենթարկեցին: Նրանցից 3-ը երիտասարդ աղջիկներ էին, ովքեր նկարում էին պաստառ, որի վրա գրված էր «Այլ ելք չկա»: Ոստիկանները եկան, դիտեցին, հետո բերման ենթարկեցին, առանց որևէ հիմնավորման և պատճառ նշելու:
Ավելի ուշ ևս 3 անձանց բերման ենթարկեցին, նրանից մեկը «Հիմնադիր խորհրդարան»-ի անդամ Կարո Եղնուկյանն է, ում երկու աղջիկներին արդեն բերման էին ենթարկել, քաղաքացիական ակտիվիստ Անտոն Իվչենկոն, ով ձեռնափայտերով էր և դժվար էր տեղաշարժվում, բերման ենթարկվեց նաև «Ոչ թալանին» նախաձեռնության անդամ Մաքսիմ Սարգսյանը: Եվս երկու աղջկա և տարեց կնոջ ավելի ուշ բերման ենթարկեցին, նրանք շարունակում էին պատրաստել այդ պաստառը, որի վրա գրված էր «Այլ ելք չկա»:
Խորենացի փողոցը շարունակում է փակ մնալ, ՊՊԾ գնդի տարածքում որևէ շարժ չի նկատվում: Եթե երեկ զրահամեքենաներ տարբեր ոստիկանական մեքենաներ էին տեղաշարժվում, ապա այսօր դա էլ չկա:
ՀԱՅԵՐԵՆ
Русский
English
Դաս. հայերեն
French
