Պատկերապատման Զարգացման Միության նախաձեռնությամբ մայիսի 6-8-ին Երեւանում կանցկացվի «Պատկերապատման Հրավառություն» միջոցառումը
02-05-2011 18:40:40 | Հայաստան | Մշակույթ
2007թ.-ին Ֆրանսիայի Անգուլեմ քաղաքում ստեղծվեց Հայաստանում Պատկերապատման Զարգացման Միությունը (ՀՊԶՄ), որի նպատակն է խթանել Հայաստանում պատկերապատման արվեստի զարգացմանը, որն ամբողջ աշխարհում ունի իր ուրույն տեղը եւ կոչվում է իններորդ արվեստ: Հայաստանում այս արվեստը նոր է վերելք ապրում, սակայն արդեն գոյություն ունեն ամսագրեր, որտեղ տպագրվում են պատկերապատումներ:
Գործունեության չորս տարիների ընթացքում ՀՊԶՄ-ի կողմից կազմակերպվել են երկու միջազգային փառատոններ եւ մեկ պատկերապատման վարպետության դասընթաց, որին մասնկացել են տասնմեկ նկարիչ: Դասընթացների ընթացքում յուրաքանչյուր մասնակից ստեղծել է պատկերապատում, որը ցուցադրվել է Հայաստանի Նկարիչների Միությունում եւ Նարեկացի Արվեստի Միությունում: Փառատոնների շրջանակներում կայացել է պատկերապատման մրցույթ, որին մասնակցել են 50-ից ավել նկարիչներ: Խնկո Ապոր անվան մանկական գրադարանին նվիրաբերվել է հազարից ավել պատկերապատման գրքեր:
Այս տարի ՀՊԶՄ-ն նախատեսում է կազմակերպել ,Պատկերապատման հրավառությունե խորագրով միջոցառումը, որի ծրագրով նախատեսված են`
- Պատկերապատման վարպետության դասընթաց
/Ապրիլ - Հոկտեմբեր/ Հայաստանում Ֆրանսիական համալսարան հիմնադրամում
- Ցուցահանդեսներ Երեւանի Պետական Կամերային թատրոնում /մայիսի 6,7,8/
(Պաշտոնական բացում մայիսի 6, ժամը 11:00-ին)
Նարեկացի Արվեստի Միությունում /մայիսի 1-10/
(Պաշտոնական բացում մայիսի 3-ին, ժամը 16:00ին)
Մանկական ցուցահանդես Խնկո Ապոր անվան մանկական ազգային գրադարանում (Պաշտոնական բացում մայիսի 4-ին, ժամը 15:00-ին)
Պատկերապատում կավիճներով /Մ.Սարյանի արձանին հարակից պուրակում /մայիսի 6, 17:00/
Պատկերապատման հիման վրա նկարահանված Լյուկ Բեսոնի ֆիլմի ցուցադրություն ,Ադելի արկածներըե
/Կինո Մոսկվա, մայիսի 6, 17:00 ֆրանսերեն լեզվով, 19:00 հայերեն լեզվով/
,Ադելի արկածներըե պատկերապատման ցուցահանդես
/Կինո Մոսկվա, մայիսի 6/։