Հինգերորդ տարին աընդմեջ Տավուշի մարզի Բերդ քաղաքը <<Շամշադինի մեղրի և հատապտուղների փառատոն>>-ի շրջանակներում իր հյուրընկալ դռներն է բացել բոլորի առջեւ : Այս տարի փառատոնի մեկնարկը տրվեց oգոստոսի 20-ին եւ շարունակվեց 21-ին, որի ընթացքում : Ի տարբերություն նախորդ տարիների, այս տարի փառատոնը տեւեց երկու օր, որը հարուստ էր ոչ միայն տավուշցիների արտադրանքը ներկայացնող տաղավարներով, այլեւ մարզերից ժամանած մասնակիցներով:
Փառատոնին մասնակցող բազմաթիվ ընկերություններ << Նոյյան Տապան >>-ի թղթակցի հետ զրույցում նշեցին, որ մասնակցելով նմանատիպ փառատոննների ակնկալում են մեծ սպասելիքներ. <<Մեզ առիթ է ընձեռվում ընդլայնելու հնարավորությունները և տարբեր շուկաներ դուրս գալ,>>, - նշեցին նրանք, հավելելով, որ բնական հումքից պարտաստված մեղրը եւ ակնամոմը նախատեսում են արտահանել Հայաստանի սահմաններից դուրս:
ՀՀ մշակույթի փոխնախարար Ներսես Տեր-Վարդանյանը լրագրողների հետ զրույցում հաստատեց այն փաստը, որ Տավուշի մարզում 5-րդ տարին անընդմեջ իրականացվող այս փառատոնը ավելի հայտնի եւ սիրված է դառնում ոչ միայն տավուշցիների , այլեւ իրենց հյուր եկած բազմաթիվ զբոսաշրջիկների համար.<<Ինչպես տեսնում եք տարեցտարի այն ավելի լայն ընդգրկում է ստանում: Այս տարի մեղրից և հատապտուղներից բացի տեսնում ենք նաեւ արհեստագործական իրերի՝ կիրառական արվեստի նմուշների ցուցահանդես-վաճառք, որը խթան է հանդիսանում ներքին տուրիզմի զարգացմանը>>:
Փառատոնի կազմակերպիչ, «Տավուշի հոգևոր վերածնունդ» հիմնադրամի նախագահ Հայկ Չոբանյանն էլ հաստատեց, որ Տավուշ այցելող զբոսաշրջկների թիվը տարեցտարի ավելանում է, և եթե նախորդ տարիներին իրենք հյուրատների և ռեստորանների խնդիր ունեին, այժմ այդ հարցը լուծված է.<<Մենք նաև կենդանացրինք տեղի բնակիչների համար այդքան չսիրված այս տարածքը, հիմա անկախ ժամանակից, այն միշտ մարդաշատ է>>:
Ըստ Հ. Չոբանյանի, այս տարի մշակութային մասը շատ հագեցած և բովանդակալից էր.<<Երեկ ունեցանք իր տեսակով եզակի ջազային համերգ, այսօր էլ տավուշցի բազմաթիվ երիտասարդներ հնարավորություն ունեն իրենց տաղանդը բեմից ցուցադրելու>>,- նշեց նա հավելելով, որ իրենք շարժվում են «ամեն տարի մեկ քայլ առաջ» սկզբունքով:
Փառատոնի շրջանակներում տեղի ունեցան Հայաստանի պետական ջազային նվագախմբի և Նարեկացի նվագախմբի բարեգործական համերգները։
Տեղեկացնենք, որ փառատոնի նպատակն է նպաստել տարածաշրջանի տնտեսական զարգացմանը՝ խթանելով տեղական ապրանքատեսակների արտադրությունը, դիրքավորելով տարածաշրջանը որոշակի արտադրական բաղադրիչներով, նպաստելով բիզնես շփումներին, ձևավորելով բարենպաստ զբոսաշրջային միջավայր։
Նշենք, որ փառատոնը անցկացվում է Վերածննդի երիտասարդներ հիմնադրամի, Հայ խոհարարական ավանդույթների զարգացման և պահպանման հասարակական կազմակերպության, «Կանաչ արահետ» հասարակական կազմակերպությունների հետ համագործակցությամբ։
Մերի Հունանյան «Նոյյան Տապան»
ՀԱՅԵՐԵՆ
Русский
English
Դաս. հայերեն
French
