Սահմանվել է ոռոգման երկհերթ, առանձին հատվածներում նաև եռահերթ ժամանակացույց
25-08-2016 12:36:55 | Հայաստան | Կազմակերպություններ
Շոգ եղանակով պայմանավորված՝ մայրաքաղաքի ընդհանուր օգտագործման կանաչ տարածքներում Երևանի քաղաքապետի հանձնարարությամբ շարունակվում է երկհերթ, առանձին դեպքերում նաև եռահերթ ոռոգումը: Շենգավիթ, Ավան և Նոր Նորք վարչական շրջանների առանձին հատվածներում գործընթացն ապահովվում է նաև խորքային հորերից մղվող ջրերով:
ԱԻՆ տվյալներով մայրաքաղաքում դեռևս առկա է հրդեհավտանգ իրավիճակ, որից ելնելով էլ արգելվում է չոր խոտն այրելը: Զուգահեռաբար վարչական շրջաններում շարունակվում է խոտհունձը: Խոտհունձն արագացնելու անհրաժեշտության մասին իրազեկվել են նաև համապատասխան տարածքների, այգիների ու պուրակների սեփականատերերը, վարձակալները:
ՀԱՅԵՐԵՆ
Русский
English
Դաս. հայերեն
French
