Պուտինը հայտարարել է Զինված ուժերի մարտական պատրաստվածության հանկարծակի ստուգման մասին
25-08-2016 13:03:07 | Ռուսաստան | Միջազգային
Զինված ուժերի մարտական պատրաստության հանկարծակի ստուգում է հայտարարվել օգոստոսի 25-ից մինչև 31-ը Ռուսաստանի հարավային, արևմտյան և կենտրոնական շրջաններում, ինչպես նաև Հյուսիսային նավատորմում և օդատիեզերական ուժերում:
korrespondent.net-ի փոխանցմամբ` այդ մասին հաղորդել է ՌԴ Պաշտպանության նախարար Սերգեյ Շոյգուն:
Ստուգումն անցկացվում է ՌԴ նախագահ, Գերագույն գլխավոր հրամանատար Վլադիմիր Պուտինի որոշմանը համապատասխան:
Ս. Շոյգուն հայտարարել է, որ ՌԴ Զինված ուժերի Գերագույն գլխավոր հրամանատարի որոշմամբ սկսված ստուգման ընթացքում ամբողջությամբ մարտական պատրաստվածության են բերվելու վերոնշյալ շրջանների և Հյուսիսային նավատորմի ուժերը:
ՌԴ Պաշտպանության նախարարը նշել է, որ ստուգման ընթացքում մշակվելու է Զինված ուժերի վերապատրաստման ամբողջական ցիկլ անվտանգության սպառնալիքների աճի դեպքում ՌԴ շահերը պաշտպանելու համար:
ՀԱՅԵՐԵՆ
Русский
English
Դաս. հայերեն
French
