Ջոն Քերին սաուդյան թագավորի հետ քննարկել է ԻՊ-ի դեմ պայքարը և Եմենի կոնֆլիկտը
25-08-2016 17:28:34 | ԱՄՆ | Միջազգային
ԱՄՆ-ի պետքարտուղար Ջոն Քերին և Սաուդյան Արաբիայի թագավոր Սալման բեն Աբդել Ազիզ Ալ Սաուդը քննարկել են «Իսլամական պետություն» ահաբեկչական խմբավորման դեմ պայքարը, ինչպես նաև Եմենում կոնֆլիկտի կարգավորման ճանապարհները: Interfax.ru-ի փոխանցմամբ` այդ մասին թվիթերյան իր պաշտոնական էջում հաղորդել է ամերիկյան դիվանագիտության ղեկավարը:
Ջ. Քերին հայտարարել է, որ լավ զրույց է ունեցել թագավոր Սալմանի հետ Սիրիայի, ԻՊ-ի դեմ պայքարի, ինչպես նաև Եմենում հումանիտար ճգնաժամի հաղթահարման և քաղաքական որոշումների հասնելու անհրաժեշտության հետ կապված:
Reuters գործակալության տվյալներով` հանդիպման ընթացքում ԱՄՆ պետքարտուղարը սաուդյան ղեկավարին ներկայացրել է Եմենում խնդրի կարգավորման ամերիկյան ծրագիրը, որտեղ կոալիցիան Էր Ռյադի գլխավորությամբ ի շահ կառավարության ռազմական գործողություններ է իրականացնում ապստամբ հուսիթների դեմ:
Նշվում է, որ Քերիի առաջարկի էությունը պաշտոնական աղբյուրը չի հստակեցնում:
Տեղեկացվում է, որ հինգշաբթի Ջ. Քերին նոր հանդիպումներ կունենա Սաուդյան Արաբիայի և Պարսկական ծոցի արաբական երկրների ղեկավարների հետ: