Իրաքյան անվտանգության ուժերն ԻՊ գրոհայիններից ազատագրել են Էլ Քայար քաղաքը
25-08-2016 18:18:53 | Իրաք | Հասարակություն
Իրաքյան անվտանգության ուժերը հինգշաբթի «Իսլամական պետություն» ահաբեկչական խմբավորման զինյալներից ազատագրել են ռազմավարական նշանակություն ունեցող Էլ Քայար քաղաքը, որը տեղակայված է Մոսուլից հարավ ընկած հատվածում ԻՊ-ի հիմնական հենարանի մոտակայքում:
tass.ru-ի փոխանցմամբ` այդ մասին հաղորդել է Associated Press գործակալությունը:
Աղբյուրի տեղեկացմամբ` կառավարության ղեկավարը Էլ Քայարի ազատագրումը «կարևոր քայլ է Մոսուլի ճանապարհին»:
Նշվում է, որ իրաքյան անվտանգության ուժերն Էլ Քայարի ազատագրման գործողությունը սկսել էին այս շաբաթ: Քաղաքի կողքին է գտնվում ռազմաօդային բազան, որը բռնազավթվել էր ԻՊ ահաբեկիչների կողմից մեկ ամիս առաջ:
Իրաքյան իշխանությունները երկրի հասարակությանը խոստանում են ընթացիկ տարվա ընթացքում ազատագրել նաև Մոսուլը:
ՀԱՅԵՐԵՆ
Русский
English
Դաս. հայերեն
French
