ԻՊ ահաբեկիչներն իրաքյան Էլ Խուվեյջա քաղաքում սպանել են 48 խաղաղ բնակչի
26-08-2016 16:12:07 | Իրաք | Հասարակություն
«Իսլամական պետություն» ահաբեկչական խմբավորման զինյալները Քիրկուկ նահանգի Էլ Խուվեյջա քաղաքում սպանել են առնվազն 48 խաղաղ բնակիչ: tass.ru-ի փոխանցմամբ` այդ մասին հայտնել է Ալ Արաբիա հեռուստաալիքը:
Աղբյուրի տեղեկացմամբ` խաղաղ բնակչությունը առևանգնվել և սպանվել է ԻՊ զինյալների կողմից վերջիններիս կողմից վերահսկվող տարածքը լքելու փորձի ժամանակ:
Իրաքյան Քիրկուկ շրջանը, որտեղ տեղակայված է Էլ Խուվեյջա քաղաքը, ԻՊ ահաբեկչների կողմից շրջափակվել էր 2014 թվականի հունիսին: Այդ օրվանից իսլամիստների կողմից վերահսկվող տարածքներից փախչել է ավելի քան 150 հազար մարդ: