Թուրքիայում Հաղթանակի օրն առաջին անգամ նշվել է առանց ռազմական տեխնիկայի ավանդական շքերթի
30-08-2016 17:08:16 | Թուրքիա | Հասարակություն
Իր պատմության մեջ առաջին անգամ Թուրքիան Հաղթանակի օրը նշում է` առանց ռազմական տեխնիկայի ավանդական շքերթի և ավիախմբերի երլույթի: tass.ru-ի փոխանցմամբ` երկրում այսօր ընթացող հանդիսավոր միջոցառումները սահմանափակվում են զինծառայողների և զինվորական նվագախմբի քայլերթով:
Ռազմական տեխնիկայի մասնակցությամբ զորահանդեսի չեղարկման որոշումն ընդունվել է իշխանությունների կողմից երկրում հուլիսի 15-ի ձախողված ռազմական հեղաշրջման փորձից հետո: Այդպիսով Անկարայի բնակիչներն ականատեսը չեն լինելու տանկերի, այլ ծանր տեխնիկայի անցմանը հրապարակով և այլն: Միաժամանակ նախագահ Ռեջեփ Թաիբ Էրդողանը և կառավարության անդամները համապատասխան ավանդույթի համաձայն` այցելել են Մուսթաֆա Քեմալ Աթաթուրքի դամբարան և ծաղկեպսակ դրել: