Այսօր՝ օգոստոսի 30-ի առավոտյան Հայաստանի ազգային հավաքականը և ՀՖՖ-ի պատվիրակությունը մեկնել էին Չեխիա:
Մոտավորապես ժամը 14:00-ին Հայաստանի ազգային թիմը ժամանել է Պրահա,- հայտնում է ՀՖՖ-ի պաշտոնական կայքը:
Մեր թիմն ավտոբուսով ուղևորվել է Մլադա Բոլեսլավ քաղաք, որի «Մեստսկի» ստադիոնում վաղը կկայանա Չեխիա-Հայաստան ընկերական հանդիպումը. ժամը՝ 21:15-ին:
Հայաստանի ազգային հավաքականը հանգրվանել է Մլադա Բոլեսլավի «Սանդ Մարտին» հյուրանոցում:
Այսօր՝ Երևանի ժամանակով 19:00-ին կկայանա մեր ընտրանու առաջին մարզումը: