Բելգիայում իրականացված հակաահաբեկչական գործողությունների արդյունքում երկու մարդ է ձերբակալվել
16-09-2016 18:41:34 | Բելգիա | Հասարակություն
Բելգիայի դաշնային ոստիկանության հակաահաբեկչական ծառայությունը խուզարկություններ է անցկացրել որոշ անձանց բնակարաններում, որոնք կասկածվում են ջիհադիստական շրջանակների հետ կապ ունենալու մեջ: Interfax.ru-ի փոխանցմամբ` նախօրեին խուզարկություններն անցկացվել են Բրյուսելում և Լյեժում:
Ինչպես հաստատել է դաշնային դատախազությունը, ոստիկանական գործողությունների արդյունքում ձերբակալվել է երկու մարդ, որոնցից մեկը կասկածվում է ահաբեկչական կազմակերպության հետ կապ ունենալու մեջ:
Աղբյուրի տեղեկացմամբ` վերջինս համացանցի միջոցով ակտիվ նամակագրություն է վարել, որում հաղորդել է ահաբեկչություն նախապատրաստելու իր ծրագրի մասին: Իրավապահ մարմիներն այդ սպառնալիքը համարել են բավականին լուրջ, որպեսզի համապատասխան գործողություններ իրականացնեն:
Նշվում է, որ կասկածյալն արդեն իսկ հայտնի է եղել ոստիկանությանը, սակայն ոչ ահաբեկչության հետ կապված գործերով: ԶԼՄ-ները տեղեկացնում են, որ մյուս ձերբակալվածը կասկածյալի մերձավորներից է:
ՀԱՅԵՐԵՆ
Русский
English
Դաս. հայերեն
French
