Ուզում ես ճշմարտությունն ասել՝ վճարի´ր

06-10-2016 16:50:15 | Վրաստան | Ի՞նչ է գրում մամուլը

Վրաստանի Կենտրոնական Ընտրական Հանձնաժողովը որոշում է ընդունել, որի համաձայն՝ «Հայրենասերների Միություն» կուսակցության նախընտրական ծրագրի մի հատվածը Վրաստանի Ընտրական Կոդեքսի 47-րդ կետի խախտում է հանդիսանում»։

«Քաղաքական կուսակցությունները, ընտրական սուբյեկտների թեկնածուները և նրանց կողմնակիցները իրավունք չունեն հայտարարելու իրենց գործունեության հետագա ծրագրերի մասին։ Նախընտրական ծրագիրը չպետք է ներառի պատերազմի և բռնության քարոզչությունը։ Չպետք է կոչ անի գոյություն ունեցող հասարակական կարգի բռնականորեն հերթափոխությանը։ Չպետք է երկրի տարածքային ամբողջականության խախտման կոչ անի։ Չպետք է բովանդակի ազգային և կրոնական հենքի վրա դիմակայության և թշնամանքի կոչեր», -ասված է Վրաստանի Ընտրական Կոդեքսի 47-րդ կետում։

Հիշեցնենք, որ մի քանի օր առաջ, դատելով ամեն ինչից, թուրքական իշխանությունների կողմից իրագործված ճնշման հետևանքով Վրաստանի Արտաքին Գործերի նախարարը կոչ է արել երկրի Կենտրոնական Ընտրական Հանձնաժողովին ուսումնասիրել Հայրենասերների Միություն» կուսակցության նախընտրական ծրագիրը և վրացական օրենսդրության խախտման առկայության դեպքում համապատասխան արձագանք դրսևորել։

«Հայրենասերների Միություն» կուսակցության նախընտրական ծրագիրը բացահայտ հակաթուրքական բնույթ է կրում, ատելություն է բորբոքում ժողովուրդների միջև և քսենոֆոբիա է քարոզում», -հայտարարում են «Ռուսաթավի 2» հեռուստաալիքում, որը հրաժարվել էր «Հայրենասերների Միություն» կուսակցությանը գովազդային ժամանակ տրամադրել իր եթերում։

Վրաստանի Կենտրոնական Ընտրական Հանձնաժողովի որոշման համաձայն՝ «Հայրենասերների Միություն» կուսակցությունը կտուգանվի 2 000 լարիով։

armenian-community.ge

Նոյյան տապան - Ի՞նչ է գրում մամուլը

Կարդացել են 1498 անգամ

Ուզում ես ճշմարտությունն ասել՝ վճարի´ր

Noyan Tapan TV