Ֆրանսիայում արտակարգ իրավիճակի ռեժիմը երկարաձգվելու է մինչև 2017 թվականի գարուն
16-11-2016 13:41:44 | Ֆրանսիա | Հասարակություն
2015 թվականի նոյեմբերի 13-ի փարիզյան ահաբեկչություններից հետո երկրում մտցված արտակարգ իրավիճակի ռեժիմն ամենայն հավանականությամբ երկարաձգվելու է նվազագույնը մինչև 2017 թվականի ապրել ամիս, երբ երկրում կանցկացվեն նախագահական ընտրություններ:
tass.ru-ի փոխանցմամբ` նման հնարավորության մասին երեքշաբթի հայտարարել է երկրի նախագահ Ֆրանսուա Օլանդը:
Նա ընդգծել է, որ ահաբեկչական սպառնալիքի մակարդակը նախկինի պես ծայրաստիճան բարձր է. «Ես ուզում եմ, որպեսզի արտակարգ իրավիճակը ձգվի մինչև ընտրությունները»:
Ֆ. Օլանդի խոսքերով` երկրում նախընտրական քարոզարշավը մեծ թափ է հավաքում և նման պայմաններում անվտանգության միջոցառումները պետք է մնան բարձրագույն մակարդակի` հաշվի առնելով ահաբեկչությունների պահպանվող վտանգը:
Նշվում է, որ անվտանգության միջոցառումների երկարաձգման հարցը քննարկվելու է նաև խորհրդարանում: