ԱՄՆ-ում Թրամփի դեմ դուրս եկած ցուցարարները միավորվել են «Իմ նախագահը չէ» ալյանսի ներքո
16-11-2016 14:05:29 | ԱՄՆ | Հասարակություն
ԱՄՆ-ում ընտրված նախագահ Դոնալդ Թրամփի դեմ ուղղված բողոքի ակցիաների անդամները միավորվել են «Իմ նախագահը չէ» անվանմամբ ալյանսի ներքո:
korrespondent.net-ի փոխանցմամբ` միավորված բողոքի շարժմանը միացել են ակտիվիստներ Նյու Յորքից, Վաշինգտոնից, Պորտլենդից, Օրեգոնից, Նյու Ջերսիից:
Ալյանսի ներկայացուցիչների պնդմամբ` իրենց գլխավոր նպատակն է ազդել ընտրական կոլեգիայի վրա, որը վերջնականապես հաստատելու է Թրամփին նախագահի պաշտոնում:
Նրանք հայտարարում են, որ դեմոկրատ Հիլարի Քլինթոնը փաստացի հավաքել է ավելի շատ ձայներ, հետևաբար արժանի է հաղթանակի: Ալյանսում վստահ են, որ ԱՄՆ-ի օրենսգրքում կան նորմեր, որոնք թույլ են տալիս ընտրական կոլեգիային կայացնել այլ որոշում, քան սպասվելիք ավտոմատ արդյունքն է: