Հալեպում զինված ընդդիմությունը հրաժարվում է զենքը վայր դնել
01-12-2016 13:54:49 | Սիրիա | Հասարակություն
Զինված ընդդիմադիր խմբավորումները միավորվել են «Հալեպի բանակ»-ում և հրաժարվում են զենքը վայր դնել` չնայած նրան, որ քաղաքի արևելյան շրջանները շրջափակված են սիրիական զորքերի կողմից:
tass-ի փոխանցմամբ` Սիրիական ազատ բանակի այսպես կոչված պաշտոնական ներկայացուցիչը հայտարարել է, որ զինյալները շարունակելու են ճակատամարտը և չեն լքի արևելյան թաղամասերը:
Նրա խոսքերով` զիջման մասին խոսք լինել չի կարող:
Սիրիական ազատ բանակի ներկայացուցիչը նշել է, որ ավազակախմբերը ետ են մղել կառավարական զորքերի հարձակումը Շեյխ Սաիդ շրջանում:
Նշվում է, որ սիրիական բանակից մեկ շաբաթից էլ քիչ ժամանակ է պահանջվել, որպեսզի գրավեն Արևելյան Հալեպի հյուսիսային կեսը, որտեղ ավազակախմբերն իրենց վերահսկողությունը հաստատել էին 2012 թվականից: Անցկացված գործողությունների արդյունքում փրկվել են տասնյակ հազարավոր խաղաղ բնակիչներ:
ՀԱՅԵՐԵՆ
Русский
English
Դաս. հայերեն
French
