Հնդկաստանում ձերբակալել են 12 մարդու երկրի հիմնի ժամանակ ոտքի չկանգնելու համար
13-12-2016 14:47:15 | Հնդկաստան | Միջազգային
Հնդկաստանի ոստիկանությունը ձերբակալել է 12 մարդու, որոնք միջազգային կինոփառատոնի ընթացքում հնչած ազգային հիմնի ժամանակ ոտքի չեն կանգնել:
Interfax-ի փոխանցմամբ` այդ մասին հայտնում է Associated Press գործակալությունը:
Աղբյուրի հաղորդմամբ` հնդկական Տիրուվանանտապուրմա քաղաքի ոստիկանության տեսուչը նշել է, որ բոլոր 12 ձերբակալվածները բաց են թողնվել գրավի դիմաց:
Նշվում է, որ այդ ձերբակալությունները Հնդկաստանի Գերագույն դատարանի որոշման արդյունք են, համաձայն որի` երկրի ազգային հիմնը հնչում է, մասնավորապես, յուրաքանչյուր կինոցուցադրությունից առաջ, միաժամանակ հանդիսատեսը պետք է այն լսեն ոտքի կանգնած: Տվյալ որոշումը ընդունվել է որպես երկրի քաղաքացիներին հայրենասիրություն սերմանելու միջոց:
ՀԱՅԵՐԵՆ
Русский
English
Դաս. հայերեն
French
