Ֆրանսիայում 16 մարդ է ձերբակալվել Քիմ Քարդաշյանին թալանելու մեղադրանքով
09-01-2017 13:33:49 | Ֆրանսիա | Հասարակություն
Ֆրանսիայի իրավապահ մարմինները 16 մարդու են կալանավորել, որոնք մեղադրվում են ամերիկահայ աշխարհահռչակ դերասանուհի և ֆոտոմոդել Քիմ Քարդաշյանին կողոպտելու մեջ:
Interfax-ի հաղորդմամբ, կողոպուտը տեղի է ունեցել նախորդ տարի` հոկտեմբեր ամսին: Զինված անձիք հարձակում են գործել փարիզյան հյուրանոցի վրա, որտեղ հանգրվանել էր հայտնի թոփ-մոդելը: Հանցագործները սպառնացել են դռնապանին և ստիպել նրան, որպեսզի նա ցույց տա Քարդաշյանի հյուրանոցային համարը: Գողերը կապկպել են Քիմին և պահել լոգասենյակում:
Նշվում է, որ կողոպուտն իրականացնողներն ավելի քան 10մլն եվրոյի վնաս են հասցրել Քարդաշյանին: