ԱՄԷ-ում հայտարարել են Կանդագարում ահաբեկչության զոհ դարձած հինգ դիվանագետների մասին
11-01-2017 12:12:47 | ԱՄԷ | Հասարակություն
Արաբական Միացյալ Էմիրությունների հինգ դիվանագետներ Աֆղանստանում դարձել են ահաբեկչության զոհ:
tass-ի փոխանցմամբ` նախօրեին աֆղանական Կանդագար նահանգի հյուրատանը տեղի մարզպետի հետ կայացած հանդիպման ժամանակ պայթյուն է որոտացել, արդյունքում զոհվել է 11, վիրավորվել 16 մարդ: Ինքը` դեսպանը ստացել է մարմնական վնասվածքներ: ԱՄԷ-ի ներկայացուցիչները Աֆղանստանում էին գտնվում մարդասիրական առաքելությամբ` մասնակցելով այդ երկրում կրթական և սոցիալական մի շարք ծրագրերի իրականացմանը:
ԱՄԷ-ի քաղաքացիների մահվան կապակցությամբ երկրում եռօրյա սուգ է հայտարարվել: