Ավստրիայի ՆԳՆ-ն 1000 եվրո է առաջարկում փաստականերին իրենց հայրենիք վերադառնալու դեպքում
22-03-2017 16:45:02 | Ավստրիա | Հասարակություն
Ավստրիայի ներքին գործերի նախարարությունը մտադիր է 1000 եվրո տրամադրել առաջին 1000 փախստականներին, որոնք ինքնակամ կորոշեն լքել հանրապետության տարածքն առաջիկա տարիների ընթացքում: tass-ի փոխանցմամբ` այդ մասին հայտարարել է ավստրիական ՆԳՆ Վոլֆգանգ Սոբոտկան:
Ըստ նրա` վերոնշյալ գումարը տրամադրվելու է միայն այն փախստականներին, որոնց ապաստան ստանալու համար գրված դիմումները վերանայվելու են այս տարվա մարտի 15-ից: Բացի այդ, նախաձեռնությունը տարածվում է միայն Մերձավոր Արևելքից և Աֆրիկայից Ավստրիա եկած ներգաղթյալների վրա:
Ավստրիայի միգրացիոն ծառայությունից նշել են, որ նախորդ տարի գրեթե 10,7 հազար մարդ է լքել երկիրը, որոնցից 5,8 հազարը` ինքնակամ:
ՀԱՅԵՐԵՆ
Русский
English
Դաս. հայերեն
French
