Թուրքական իշխանությունները ձերբակալում են էներգետիկայի և կրթության նախարարությունների աշխատակիցներին
16-05-2017 14:30:15 | Թուրքիա | Հասարակություն
Անկարայի գլխավոր դատախազությունը լիազորել է ձերբակալել Թուրքիայի Էներգետիկայի և բնական պաշարների և Ազգային կրթության նախարարությունների 80-ից ավելի աշխատակիցների: tass-ի փոխանցմամբ` լիազորագրերը տրվել են իսլամիստ քարոզիչ Ֆեթուլլահ Գյուլենին պատկանող ահաբեկչական կազմակերպության գործունեության հետախուզության շրջանակներում: Վերջինիս Թուրքիայի իշխանությունները մեղադրում են 2016 թվականի հուլիսի 16 ռազմական հեղաշրջման փորձի մեջ:
Նշվում է, որ այսօր առավոտյան ձերբակալությունները սկսել են իրականացնել Անվտանգության ծառայության աշխատակիցները:
Էներգետիկայի և բնական պաշարների նախարարությունում նախատեսվում է ձերբակալել 60 աշխատակցի, իսկ Ազգային կրթության նախարարությունում` 25, հիմնականում ուսուցիչների:
Նախարար Վահան Մարտիրոսյանը Չինաստանում հանդիպումներ է ունեցել խոշորագույն ընկերությունների ներկայացուցիչների հետ
16-05-2017 15:21:30 | Թուրքիա | Հասարակություն
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը մայիսի 14-15-ը Չինաստանի մայրաքաղաք Պեկին կատարած այցի ընթացքում հանդիպել է մի շարք խոշորագույն ընկերությունների ներկայացուցիչների` քննարկելու տրանսպորտի, ճանապարհաշինության և ՏՏ ոլորտներում հնարավոր համագործակցության ուղղությունները:
Չինական «Պոլի» ընկերության փոխնախագահ Դաի Նինգի հետ հանդիպման ընթացքում քննարկվել են գործակցության հնարավորությունները: Առաջիկայում նախատեսվում է «Պոլի» ընկերության ներկայացուցիչների այցը Հայաստան, որի ընթացքում էլ առավել համակողմանի կքննարկվեն համագործակցության ուղիները:
Վահան Մարտիրոսյանը հանդիպել է նաև «Avic» ընկերության փոխնախագահ Վանգ Ռունլանին: Ընկերությունը մասնագիտացած է ենթակառուցվածքների նախագծման գործում: Հանդիպման ընթացքում ձեռք են բերվել պայմանավորվածություններ` ճանապարհաշինության ոլորտում հետագա համագործակցության ուղղությամբ:
ՀԱՅԵՐԵՆ
Русский
English
Դաս. հայերեն
French
