ԵՐԵՎԱՆ, 2 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: 2009 թվականի հունվար-օգոստոսին ՀՀ ռեզիդենտներին պետական բյուջեից տրամադրվել են շուրջ 79 մլրդ դրամի վարկեր` կազմելով իննամսյա ծրագրի 86,8%-ը: Այդ թվում շուրջ 75,8 մլրդ դրամ է տրամադրվել արտաքին աղբյուրներից ստացված նպատակային միջոցների հաշվին իրականացվող ծրագրերի շրջանակներում: 3 մլրդ դրամի վարկ է տրամադրվել «Զանգեզուրի պղնձամոլիբդենային կոմբինատ» ՓԲԸ-ին: Շուրջ 98,9 մլն դրամի վարկեր են տրամադրվել բռնադատված քաղաքացիներին` անհատական բնակարանային շինարարություն իրականացնելու նպատակով: 70 մլն դրամն ուղղվել է «Կանազ» ԲԲԸ-ի ֆինանսական պարտավորությունների մարման նպատակով: Ըստ ՀՀ Ֆինանսների նախարարության Տեղեկատվության եւ հասարակայնության հետ կապերի բաժնի հաղորդագրության, տրամադրված վարկերի վերադարձից մուտքերը հունվար-օգոստոսին կազմել են շուրջ 6,5 մլրդ դրամ, որից 3,7 մլրդ դրամը` «Զանգեզուրի պղնձամոլիբդենային կոմբինատ» ՓԲԸ-ից:

---