ԻՊ ահաբեկիչների շարքերում կռվում են 3417 ռուս զինվորականներ
26-10-2017 17:10:37 | | Հասարակություն
«Իսլամական Պետություն» (ԻՊ) ահաբեկչական խմբավորման անդամների թվում օտարերկրացի վարձու մարդասպանների հիմնական մասը Ռուսաստանից են՝ 3417 զինվորական։
news.mail.ru-ի փոխանցմամբ՝ նման վիճակագրություն ներկայացրել է «Soufan Group» խորհրդատվական կազմակերպությունը՝ «Խալիֆայության սահմաններից դուրս, օտարերկրացի զինվորականները, և նրանց վերադարձի վտանգը» խորագրով հոդվածում, որտեղ նշվում է, որ ԻՊ ահաբեկիչների շարքերում ներգրավված օտարազգի զինվորականների թվով երկրորդ տեղում Սաուդիան Արաբիան է՝ 3224 , երրորդ տեղում Հորդանանը՝ 3000, այնուհետև Թունիսը՝ 2926 և Ֆրանսիան՝ 1910։
Ըստ վերոնշյալ հոդվածի՝ ԻՊ-ից Ռուսաստան են վերադարձել 400 զինվորականներ, Սաուդյան Արաբիայից` 760, Հորդանանից՝ 250, Թունիսից՝ 800 և Ֆրանսիայից՝ 271։
Նշվում է, որ մարտ ամսին Մեծ Բրիտանիայի հատուկ ծառայությունների կողմից իրականացրած ուսումնասիրությունների արդյունքում պարզվել է, որ ԻՊ ահաբեկչական խմբավորման շարքերում կռվում են զինվորականներ՝ ավելի քան 50 երկրներից։
ՀԱՅԵՐԵՆ
Русский
English
Դաս. հայերեն
French
