Տափօղակով հոկեյի Հայաստանի երիտասարդական հավաքականը
մասնակցեց միջազգային մրցաշարի
28-08-2009 21:00:00 | Հայաստան | Սպորտ
ԵՐԵՎԱՆ, 28 ՕԳՈՍՏՈՍԻ, ՆՈՅՅԱՆ ՏԱՊԱՆ: Օգոստոսի 24-27-ին
Բաթումում անցկացվեց տափօղակով հոկեյի միջազգային մրցաշար:
Հայաստանի երիտասարդական հավաքականը խոշոր հաշվով նախ պարտվեց
աշխարհի առաջնության բարձրագույն խմբի մրցաշարի մասնակից`
Ուկրաինայի ընտրանուն (2:16), ապա հաղթեց Թբիլիսիի (7:4) եւ
Բակուրիանիի (5:3) թիմերին ու գրավեց 2-րդ տեղը:
Հոկեյի միջազգային ֆեդերացիայի դասակարգմամբ, 65 երկրների
ցանկում Հայաստանի ազգային հավաքականը զբաղեցնում է 45-րդ
հորիզոնականը: Ի դեպ վարկանիշ ունի 46 երկիր: Նշենք նաեւ, որ
անցյալ տարի Իռլանդիայում անցկացված աշխարհի առաջնության
մասնակցությունից զրկվեց Հայաստանի հավաքականը (այդ երկրի
դեսպանության մեղքով) արդյունքում Հայաստանի թիմը վարկանիշային ոչ
մի միավոր չվաստակեց: