Հնարավոր է բրազիլական կազմակերպությունները ներդրումներ
կատարեն «Հյուսիս-հարավ» ավտոմայրուղու կառուցման համար
05-08-2009 23:00:00 | Հայաստան | Տնտեսություն
ԵՐԵՎԱՆ, 5 ՕԳՈՍՏՈՍԻ, ՆՈՅՅԱՆ ՏԱՊԱՆ: Ընդունելով օգոստոսի 5-ին
Հայաստանում Բրազիլիայի դեսպան Մարսելա Նիկոդեմոսին, ՀՀ տրանսպորտի
եւ կապի նախարար Գուրգեն Սարգսյանը մանրամասն ներկայացրել է
ոլորտում իրականացվող ծրագրերը: Նա, մասավորապես, անդրադարձել է
«Հյուսիս-հարավ» երկաթուղու եւ «Հյուսիս-հարավ» ավտոմայրուղու
կառուցման ծրագրերին: Նախարարը հայտնել է, որ հոկտեմբերին
ավտոմայրուղու կառուցման հետ կապված Երեւանում կանցկացվի դոնոր
կազմակերպությունների հավաք:
Ըստ ՀՀ տրանսպորտի եւ կապի նախարարի մամուլի քարտուղար
Սուսաննա Տոնոյանի, իր հերթին Մ.Նիկոդեմոսը նշել է, որ Բրազիլիան
ճանապարհների կառուցման գործում մեծ փորձ ունի: Դեսպանը չբացառեց,
որ «Հյուսիս-հարավ» ավտոմայրուղու կառուցման համար ներդրումներ
կկատարեն նաեւ բրազիլական կազմակերպությունները: