Ձմեռային Օլիմպիադային մասնակցելու համար Հարավային Կորեա կժամանի Հյուսիսային Կորեայի սպորտի նախարարը և ավելի քան 200 երկրպագու
06-02-2018 12:53:35 | | Հասարակություն
Հյուսիսային Կորեան Սեուլին ծանուցել է, որ 2018 թվականի ձմեռային Օլիմպիադային մասնակցելու համար Հարավային Կորեա կժամանի 280 հոգուց բաղկացած պատվիրակությունը Սպորտի նախարար Կիմ Իլ Գուկի գլխավորությամբ:
РИА Новости-ի փոխանցմամբ՝ այդ մասին հաղորդել է Ազգային միաբանության գործերով հարավկորեական նախարարությունը:
Վերջինիս տեղեկություններով՝ Հյուսիսային Կորեայի Ազգային օլիմպիական կոմիտեի (ԱՕԿ) պատվիրակությունը, այդ թվում երկրպագուներ և լրագրողներ, Հարավային Կորեա կհասնեն ավտոբուսներով ապառազմականացված գոտու ավտոճանապարհով:
Ինչպես հաղորդել է «Րյոնհապ» գործակալությունը, պատվիրակության կազմում կլինեն ԱՕԿ-ի չորս ներկայացուցիչ, 229 երկրպագու, թեքվանդոյի ցուցադրական ելույթների 26 մասնակից և 21 լրագրող:
Նշվենք, որ Օլիմպիադան Հարավային Կորեայում կանցկացվի փետրվարի 9-25-ը:
ՀԱՅԵՐԵՆ
Русский
English
Դաս. հայերեն
French
