Կասպերսկու որդու առեւանգման բոլոր մասնակիցները ձերբակալվել են
27-04-2011 13:35:19 | Ռուսաստան | Միջազգային
Մոսկվայի Պրեսնյայի դատարանը Իվան Կասպերսկու առեւանգման բոլոր ենթադրյալ մասնակիցների ձերբակալման թույլտվություն է տվել: Ավագ Նիկոլայ Սավելյեւը լիովին իր մեղքն ընդունել է: Նրա խոսքերով, ինքն առեւանգվածին հարազատ որդու պես է վերաբերվել: «Իվան Կասպերսկին դա կհաստատի»,- ասաց նա: Մյուս երկու կասկածյալները` Ուստիմչուկը եւ Գրոմովը, խոստովանեցին, որ մասնակցել են առեւանգմանը, եւ մեղադրել են Սավելյեւին խաբեության եւ իրենց վրա ճնշում գործադրելու մեջ: Կրտսեր Սավելյեւն ու իր մայրը ժխտում են այն փաստը, որ առնչություն են ունեցել առեւանգման հետ:
Ինչպես հաղորդում է «Էխո Մոսկվի»-ն, դատի ժամանակ Նիկոլայ Սավելյեւը հայտարարել է, որ իր կինը առեւանգման հետ կապ չունի: Այնուամենայնիվ, Լյուդմիլա Սավելյեւային նույնպես կալանավորել են: 29-ամյա Նիկոլայ Սավելյեւն իր մեղքը չի ընդունում: Կասկածյալների պաշտպանը մտադիր է բողոքարկել դատարանի վճիռը: